قبل 3 كيلومترات من الوصول إلى إسبانيا.. رسالة شاب لوالدته تفطر قلوب المغاربة

الاخوة إليكم نصائح من ذهب للمقبلين على الهجرة عبر القوارب ..
***النصيحة الاولى: هي تعلم والديك او يكونو على علم بهادشي لغادير هما فقط من غيرهوم ميعرف حتى واحد لان الحاجة لكيعرفها بنادم مكيسخرش فيها الله
*** النصيحة التانية: غتمشي تشري شامبرير ديال طونوبيل كيدير 70 درهم او بومبا صغيرة ب 20 درهم متنفخوش فدار خلي حتى توصل لبحر او تبغي ديماري نفخو او لوح لبومبا فلبحر ،ولباس الغوص إذا كان ممكن حتا هو مهم باش ماتبردش فحالة سقوط من القارب.
*** النصيحة التالة: دي معاك كيلو ديال تمر او قرعة ديال لما تكون كبيرة او شوية ديال شكلاط كحل لانه كيكهم او مكيخليكش تحس بجوع لمدة اطول في حالة الى خسر زودياك
*** النصيحة الرابعة: طفيو تليفونات او متشعلهومش نهائيا لانه كيكون الرادار او يقدر ايجبدكوم
*** النصيحة الخامسة: ديو معاكوم 4 ديال لمجادف في حالة الى خسر لمطور او بقيتو اومبان غتحتاجو المجادف
*** النصيحة السادسة: متخدموش لمطور ديال زودياك معا ديبار لانه كيكون الردار اوتقدر لامرين تسمع الصوت ديالكوم كذالك الى الى قربتو توصلو طفيو لمطور دزودياك اولحوه فلبحر اوكملو بلمقادف
*** النصيحة السابعة: غاتشريو بيل ليزر كيدير شي 150 درهم لكيتستخدم فتيرانات في حالة الى خسر الموطور او بقيتو فوسط لبحر واحلين غتكولو ليا علاش ليزر او مشي لفلام بكل بساطة لان الليزر كيبقى مدة اطول حتى لشهر ديال استعمال عكس فلام لغير 5 دقايق كيطفى
*** النصيحة التامنة: غتشد واحد 1500 درهم صرفها اورو او ديها معاك باش فاش توصل تلقا باش تركب فتران او باش تبات او متاكل
*** النصيحة التاسعة: غدين دبرو على شي نمرة ديال اسبانيا او غادي ديوها معاكم باش الى مشيتو لتما اكون عندكوم ريزو او تقدرو تعيطو لوالديكوم اولا شي واحد دايرين معاه غاتكولو ليا منين غانجيبو هاد نمرة ديال سبليون او حنا واحلين فهاد لحفرة انا غنوريكوم غاتمشي لسوق لكيتصاوبو فيه تيلفونات غاتسول اي معلم راه كيكونو عندهوم بزايد كيديكوديو بهوم تليفونات لجاين من برا
*** النصيحة العاشرة: ديو ليصانص بزايد لانه تقدرو تبقاو اومبان فوسط لبحر اولا كنتو غتخرجو من طنجة الى اسبانيا غيخسكوم ديو من 12 يطرو لفوق على حساب لمطور دزودياك كداير فلخدمة ديالو كاين لكيكونصومي كاين لي مكيكونصوميش
***النصيحة الحادي عشر: شريو مطريال اكون جديد اولا اكون مستعمل مهم اكون نقي لانكم غتحطو فيه ارواح ديالكوم متشطروش على 3000 درهم او ديو شي خردة او تقتلكوم فلبحر شريو لمليح اولا كلسو حدا واليديكوم
*** النصيحة التاني عشر: شريو زودياك او لمطور من شي بلاصة تكون قريبة لبلاصة لغادي تحركو منها لانه لاشريتوه بعيد غتجيكوم تكلفة غالية باش تديوه لبلاصة لغتحركو منها حيت تواحد مغيبغي اهزو ليكوم فيه لخطية الى لكاوه لبوليس هازو اولا لكيتو شي واحد غيطلبليكوم تمن
*** النصيحة التالت عشر: شارجيو بروكرامات فتيليفون ديال طقس و هيجان البحر او سولو ناس بحارة او شوفو نهار ليكون فيه لبحر ديال طنجة او ديال إسبانيا مهيجش او توكلو على الله متشوفوش غير البحر ديال المغرب شوفوهوم بجوج
***النصيحة الربعة عشر: ديرو 5000 درهم لواحد الا كنتو نتوما 8 غا تكون 4000 درهم غتخليوها فحالة لقيتو لبوليس فلبحر دورو معاهوم بديك 4000 درهم غيخليوكوم دوز
*** النصيحة الخامس عشر: جربو لمطور ديال زودياك قبل متمشيو تحركو غاتجربوه فشي بانيو ديال لما اكون كبير او حذاري تجربوه فالهواء راه غيخسر ليكوم
*** النصيحة السادس عشر: لوقيتة لغادي تخرجو منها تكون بليل او احسن الاوقات مع 4 اولا مورا صلاة لفجر
***النصيحة السابع عشر: ضاروري ديرو نوبة على البياتة فلبلاصة لغادي تخرجو منها كل نهار اكون واحد تمة اعرف اش كيكون تما او يحفض سرابس
*** النصيحة التامن عشر: فاش توصلو (لبوغاز) لهيا منطقة فاش كيتلقاو 2 بحورا كيكون الواد او هوا من اصعب الاماكن باش تجاوزوه خاص هاداك لكيصوك بيكم ينقص من سرعة يتمشى غير بشوية او توزعو تقل ديالكوم على الزودياك متبقاوش مجموعين فبلاصة وحدة
***النصيحة التاسع عشر: ضرورة احضار جبيس (gps) وخا تبان ليكوم اسبانيا قريبة متيقوش فلبحر راه ملي كدخل لوسط لبحر كتجلى او مكتعرفش اتجهات و حذاري تستعملو تلفون او ديرو فيه جبيس راه غيجبدكوم رادار شريو جيبس او ديروه فشي ميكة غلفوه باش ميخسرش ليكوم بالماء فاش غيكون كيترش عليكوم
*** النصيحة العشرين: وهيا اخر نصيحة او اهم نصيحة هي فاش تكونو خارجين من دار باش تحركو صليو صلاة جماعية او دعيو دعاء الاستخارة او دعاء دخول البحر .
ب.س :ماشي تشجيع انما الوقاية خير من العلاح ا خوتي